Facebook сайтыг үндэслэгч, дэлхийн хамгийн залуу тэрбумтан Mark Zuckerberg-ын тухай кино өнгөрсөн онд дэлгэцнээ гарч, томоохон шуугиан тарьсан. Ирэх ням гаригт болох Оскарын наадамд нэлээд хэдэн төрөлд нэр дэвшээд байгаа ба ганзага хоосон буцахгүй гэдэгт кино шүүмжлэгчид итгэлтэй байгаа.
Харин түүний түүхийг өгүүлэх комик ном өнөөдрөөс худалдаанд гарч эхэлжээ. Уг номыг алдартнуудын намтраар комик ном хийж алдаршсан Bluewater Productions эрхлэн гаргажээ. Энэ ном бас л шилдэг борлуулалттай номын жагсаалтад орно хэмээн бүтээгчид найдаж байгаа гэнэ.
Уг номыг 6,99 долларын үнээр Amazon сайтаас худалдан авах боломжтой аж.
Н.Наран