Францын нэрт жүжигчин Жерар Депарде Франц-Оросын хамтарсан түүхэн кинонд гол дүрийг бүтээж байгаа ажээ. Өдгөө 63 настай жүжигчин маань Оросын түүхэнд нэрээ мөнхөлсөн далдын хар шидтэн Распутины дүрд тоглож байгаа гэнэ. Тус киноны зураг авалт  Оросын хойд хязгаар Архангельск муж болон Санкт-Петербург хотод үргэлжлэх юм байна. Кинонд Распутины амьдралын үнэн түүхийг өгүүлнэ хэмээн кино бүтээгчид амлаад байгаа бөгөөд ирэх оны нэгдүгээр сард дэлгэцнээ гаргахаар төлөвлөжээ.
Түүх сөхвөл Григорий Ефимович Распутин нь далдын хар шидтэн гэдгээрээ зартай нэгэн бөгөөд түүнийг үхэшгүй мөнхийн, амийг нь хороох оролдлого оон гарч байсан ч үргэлж бүтэлгүйтдэг байсан тухай домог яриа олон байдаг гэнэ.Хараалч лам Распутин нь 1869 онд Оросын Сибирт төрж, 18 насандаа Верхотуре сүмд ном сурч, далдын ид шидийн эрдэмд суралцжээ.Распутин хүмүүсийн эдгэшгүй өвчнийг анагааж, нэр хүнд нь өссөөр тухайн үеийн Оросын хаан II Николайн ганц хүүг эмчилж үнэнч зөвлөх нь болсон юм.Тухайн үед хаан ширээг залгамжлагч Алексей хүү удамшлын цусны өвчинтэй байж тул Распутин түүнийг эмчилж байжээ.Хожим хүүгийнх нь амийг аварсан Распутин Оросын эзэн хааны гэр бүлийн сайн найз, загалмайлсан гэгээнтэн болсон байна. Гэвч үүний дараа түүний эсрэг олон яриа гарч, хааныг гэр бүлийг устгах гэж оролдсон, хүүхдүүдийг садар самуунд уруу татсан, гаж гэмээр муу зуршилтай байсан зэргээр буруутган олны өмнө цаазалсан боловч амь тавиагүй учир амьдаар нь шатаан хаа нэгтээ булсан гэсэн яриа байдаг ажээ.

А.Зул