2010 онд дэлхийн цэргийн зардал түүхэндээ хамгийн  дээд хэмжээ буюу  1,6 их наяд долларт хүрсэн гэж судлаачдын групп тооцоолон гаргасан байна. Өнгөрөгч онд дэлхийн цэргийн нийт зардал 1,3 хувь өсснийг өмнөх оны өсөлт болох 5,9 хувьтай харьцуулахад буурсан үзүүлэлт бөгөөд 2008 оны эдийн засаг, санхүүгийн хямралын улмаас дэлхийн цэргийн зардал ийнхүү буурсныг Стокольм дахь Энх тайвны төлөө  Олон улсын судалгааны хүрээлэнгээс гаргасан судалгаанд дурдсан ажээ.

Афганистан, Иракт явуулж буй цэргийн үйл ажиллагааны улмаас АНУ-ын цэргийн зардал 2,8 хувиар өсч, 698 тэрбум долларт хүрсэн ба энэ нь Хятадын цэргийн зардлаас 6 дахин илүү үзүүлэлт юм. Энэ хоёр орны дараа цэргийн зардлын хэмжээгээр Нэгдсэн Вант улс, Франц, ОХУ орж байгаа аж.

Европийн улсуудын цэргийн зардал 382 тэрбум долларт хүрч байгаа ба эдийн засгийн хямралд өртсөн Грек зэрэг европийн өмнөд хэсгийн орнууд цэргийн зардлаа нэлээд хэмжээгээр танахад хүрсэн байна.

Энх тайвны төлөө Олон улсын судалгааны хүрээлэнгээс  2001 оноос хойш АНУ-ын цэргийн эардал 81 хувиар өссөн гэсэн тооцоо гаргасан байна.