Энэ өдөр дэлхий даяар Нисэхийн болон сансарын нислэгийн өдрийг (Space Probe Day) тэмдэглэж байна. 1961 оны дөрөвдүгээр сарын 12-ны өдөр Зөвлөлтийн сансарын нисгэгч Юрий  Гагарин дэлхийд анх удаагаа сансар нисэн дэлхийг тойроод буцан ирсэн юм. Энэ 108 минутын нислэг нь сансрын жолоодлогот нислэгийн эринийг нээж өглөө.

Энэ өдөр төржээ

Испанийн каталоны дуурийн дуучин (сопрано) Монсеррат Кабалье /1933.04.12/  
Монсеррат Кабал­­ье 1933 оны дөрөв­­­дүгээр сарын 12-нд Бар­­селона хотноо төр­жээ. Мон­серат Бар­село­ны кон­серваторид 12 жил сурал­цаж, 1954 онд ал­тан медал­ь­тай дүүр­гэжээ. Барселоны дуурийн театрт тэрээр анхны тоглолтоо 1956 онд хийсэн байна. Дараа нь тэнд үргэлжлүүлэн ажил­лаж, Тоска, Аида, Арабелла ба Саломеин дүрүүдэд амжилттай дуулжээ.

Тавиад оны сүүлчээр дуучны алдар нэр ман­дан тэрээр Европын бараг бүх театрт дуулж байлаа. Олон улсын нэр хүндийн дээд оргил нь Нью-Йоркийн “Карнеги-Холл”-д 1965 онд дуулснаар эхэлсэн гэж болно. Доницеттийн “Лукреция Боржиа” дуурийн гол дүрд өвчтэй байсан дуучин Мэрилин Хорныг орлон дуулжээ. Баялаг бөгөөд ер бусын сайхан хоолой нь үзэгчдэд таалагджээ. Тэндээс дэлхийн дуурийн шил­дэг театруудын тайз­наа дуулах их аянаа эхэлсэн байна. Уран бүтээлийнхээ амьдралд тэрээр 100 гаруй гол дүрийг тайзнаа бүтээжээ.

Монсеррат 1988 онд «Queen» хамт­лагийн Ф.Меркьюрийн хамт «Barcelona» цомог гар­ган рок хөгжмийн шүтэн бишрэгч­дийг татсан юм. 1997 онд Щвейцарийн «Gotthard» хамтлагтай «One Life One Soul» рок-дуулийн цомог гаргаж байв. Тэрээр залууст дуурийн ертөнцийг, дэлхийд ис­пани дуунуудыг нээж өгсөн хүн. Кабалье манай үеийн шилдэг сапрано гэж зүй ёсоор тооцогддог бөгөөд олон улсын янз бүрийн шагнал авч байлаа. Мөн түүнийг “ал­тан зүрхтэй дуучин” гэж буяны үйлсээр нь нэрлэдэг. Түүний хандивын тоглолтууд нь ХДХВ/ДОХ-ын өвчтөнүүд, хөгжлийн бэрх­шээлтэй хүүхдүүдэд тус болдог. Мөн тэрээр ЮНЕСКО-гийн сайн санааны элч юм.

Кабалье Монсеррат нөхөртэй, хоёр хүүхэдтэй. Охин Монсеррат Марти мөн л дуул­даг. Эхийн хамт хамтарсан концерт зохион байгуулдаг гэнэ. Өдгөө Монсеррат Кабалье уран бүтээлийн карьераа үргэлж­лүүлэн өөрийн дуу хоолойгоор шүтэн биш­рэгч­дээ баясгасаар байна.

Энэ өдөр таалал төгсчээ

Франклин Рузвельт, АНУ-ын 1931-1945 онд ерөнхийлөгчөөр ажилласан (1882.01.30-1945,04,12)
Франклин Делано Руз­­вельт 1882 оны нэг­­­­дүгээр сарын 30-нд чинээлэг айлд төр­­­­­жээ.  Эцэг нь аж үйл­­­д­вэрийн олон ком­пан­ийн эзэн байлаа. Тэрээр 14 нас хүртлээ гэртээ суралцаж бай­гаад Массачусетс мужийн Гротон хотын дээд­сийн сургуульд оржээ. Харвар­дад дээд болов­с­рол эзэмшсэн. Колумбийн их сур­гуулийн хуулийн ангийг дүүргээд өмгөөлөгчийн ажил эрхэлж иржээ. Франк­лин тав дахь салааны холын хамаатан Элеонора­тай 1905 онд гэрлэжээ. Эхнэр нь түүнийг улстөрч болгосон гол хүний нэг гэдэг. Тэрээр 1910 онд Нью-Йоркийн сена­тор болжээ.

1921 онд саа өвчинд нэрвэгдэн бүх насаа­раа тахир дутуу хүний тэргэнд “хадагд­­­­жээ”. Гэсэн ч тэр нь улс төрийнх нь гайхам­шигтай карьерт саад болоогүй билээ. 1928 онд тэрээр Нью-Йорк мужийн захирагч болов. 1931 онд ерөнхийлөгчийн сон­гуульд ял­жээ. Ерөн­хийлөгч болоод “Шинэ чиг­лэл” гэсэн санхүү, эдийн засгийн хэдэн чухал шинэч­­лэлийг хийж АНУ-ыг эдийн засгийн хям­ралаас гаргасан юм. 1935 ба 1939 оны ерөн­хийлөгчийн сонгуульд тэрээр дахин ялжээ.

Дэлхийн  II дайн эхэлсний дараа АНУ-ыг зэвсэгт тулаанд оруулахгүй байхыг аль болохоор хичээн “зарлагдаагүй дайн” гэж нэр­л­эсэн Зөвлөлтөд туслах эдийн засгийн тус­ламжаар (ленд-лиз) л дайны оролцоогоо хяз­гаарлах хүсэлтэй байв. Гэвч 1941 оны арван­­хоёрдугаар сарын 7-нд япончууд Америк­­­ийн Пёрл Харбор баазад халдсаны дараа АНУ Японд дайн зарласан юм. Дайны үеэр тэр Гитлерийн эсрэг эвсэл ба НҮБ-ыг байгуулахад ихээхэн зүтгэл гар­гажээ. 1943 онд тэрээр дөрөв дэх удаагаа ерөн­хийлөгчөөр сонгогдсон байв. Өөрөө нэрийг нь өгсөн гэх НҮБ-ын нээлтийг дөрөвдүгээр сарын 23-нд хийлгэхээр бэлтгэж байгаад 1945 оны дөрөвдүгээр сарын 12-нд цус хар­ван өөд болжээ. Рузвельтийн нэр Америк­ийн түүхэнд тус улсын хамгийн суут улстөрч­дийн нэгээр бичигдсэн юм. Түүнийг нас бар­с­наас хоёр жилийн дараа Америкийн Үнд­сэн хуулийн 22 дахь засвар хийгдэн ерөн­хийлөгчид сонгогдох бүрэн эрхийг хоёр хугацаагаар хязгаарласан байна.