Зөвлөгөөнд Эрүүл мэндийн газрын мэргэжилтэн Н.Эрдэнэдолгион “2010 онд гарсан халдварт өвчин”, аймгийн Нийгмийн даатгалын хэлтсийн магадлагч эмч Д.Буяндэлгэр “Сумдын хөгжлийн бэрхшээлтэй иргэдийн талаарх мэдээлэл”, Нэгдсэн эмнэлгийн хүүхдийн ерөнхий мэргэжилтэн Г.Тунгалаг “Аймгийн хэмжээнд гарсан нярайн эндэгдлийн судалгааны дүн” зэрэг олон илтгэл тавигдлаа.
Энэ үеэр аймгийн эрүүл мэндийн салбарын 2010 оны шилдгүүдийг тодруулж, урамшуулсан байна. Тухайлбал, Ё. Буяндэлгэр даргатай Мандал сум, Ц. Нарантуяа эрхлэгчтэй Баянгол сум, Э. Нинжбадам эрхлэгчтэй Ерөө, А. Ягаанцэцэг эрхлэгчтэй Түшиг сумын эмнэлгийн хамт олон болон Д. Халтар ахлагчтай “Хаданхүй” өрхийн эмнэлгийн хамт олон шалгарчээ.
Мөн хүн амд үзүүлэх тусламж үйлчилгээний чанарыг сайжруулж ажилласан Баянгол, Мандал, Алтанбулаг, Хушаат, Ерөө, Түшиг сум, Бугант тосгон, Шар-Ус, Номгон тосгоны салбарын эрхлэгч нарыг үндсэн цалингийн 10-20 хувиар шагнаж, урамшууллаа.