1982 онд үйлдвэрлэгдэж байсан 64 килобайтын санах ойтой, 8 битийн чиптэй “Commodore 64” компьютер тухайн үеийн хамгийн борлуулалт сайтай бүтээгдэхүүнүүдийн нэг байжээ. Харин Commodore-ийн шинэчилсэн загварыг удахгүй дахин бүтээх гэж байна.
Шинэчлэгдсэн Commodore загвар нь Windows 7 үйлдлийн систем, тоглоом тоглох боломжтой эмулятортой болсон ба Intel-ийн хоёр цөмт Atom D525 процессор, 1,8 гега герцийн чиптэй болжээ. Гаднах корпусын хувьд эх загвартайгаа тун төстэй хул өнгөтэй юм байна. Энэхүү компьютерыг 595 ам.доллараар ирэх тавдугаар сарын сүүлээр худалдаалж эхлэх юм.