Туркийн Анталия хотноо Олон улсын паралимпийн хороо /IPC/-ноос зохион байгуулж буй харааны бэрхшээлтэй тамирчдын дэлхийн аварга шалгаруулах тэмцээнээс Монголын баг тамирчид анхны медалиа хүртлээ. ДАШТ өчигдөр хөнгөн атлетикийн тэмцээнээр эхэлсэн бөгөөд Т11 (хараагүй) ангилалд ОУХМ Ж.Лхагважав, хөтлөгч А.Бакыт нар эрэгтэйчүүдийн 5000 метрийн зайд 19 минут 01.00 секундын амжилтаар мөнгөн медалийн эзэн болжээ. Энэ төрөлд Португалийн тамирчин аваргалсан бол зохион байгуулагч орны тамирчин хүрэл медаль хүртсэн байна.

ДАШТ-ий жүдо бөхийн тэмцээн өнөөдөр эхлэх бөгөөд Монголын тамирчдаас эмэгтэйчүүдийн 52 кг-д П.Болортуяа, эрэгтэйчүүдийн 60 кг-д Г.Ганбат, Б.Ууганхүү, А.Мөнхбат нар зодоглох ажээ.