Боловсролын салбарын үргүй зардлыг багасгах, хөрөнгө оруулалтын үр ашгийг дээшлүүлэх талаар хотын дарга удаа дараа үүрэг даалгавар өгч байгаа. Энэ дагуу ч ажлын хэсэг гаргаж,  нийслэл дэх төрийн болон төрийн өмчийн бус сургууль, цэцэрлэгүүдийн төсвийн байдалтай танилцуулсан байна. Ажлын хэсгийнхний гаргасан дүгнэлтээр цөөнгүй зөрчил дутагдал илэрсэн учир Нийслэлийн Засаг даргын нэгдүгээр орлогч Б.Баатарзориг өнөөдөр боловсролын байгууллагын удирдах ажилтнуудтай уулзаж, төсвийн сахилга хариуцлагыг сайжруулах, гаргасан зөрчил дутагдлыг арилгах талаар үүрэг даалгавар өглөө.