Залуу жүжигчин Б.Тамир “Гэгээн Муза 2010” наадмаас драмын жүжгийн төрөлд “шилдэг эрэгтэй туслах дүр” номинацид нэр дэвшин алтан цомын эзэн болсон юм. Тэрбээр “Гэгээн Муза” гардах торгон агшиндаа тайзан дээр “Би энэ нэр хүндтэй шагналын эзэн болно гэж бодоогүй. Гэхдээ өөрийгөө дутуу үнэлж байжээ. Намайг анх наймдугаар ангиа төгсөөд жүжигчин болно гэхэд аав, ээж хоёр маань дургүйцэж байсан. Харин одоо би энд, тайзан дээр энэхүү сайхан шагналын гардан аваад зогсч байна. Ээж ээ, хүү нь чадлаа” гэж бахархалтайгаар зарлан тунхаглав.