Зам засварын ажил хийж байсан гурван иргэн угаартаж амь насаа алдсан хэрэг өнгөрөгч баасан гаригт гарчээ. Эх сурвалжийн мэдээллээр нас барсан гурван иргэн Сонгинохайрхан дүүргийн XXI хороо, 335-р зөрлөгийн орчим зам засварын ажил эрхэлж байсан аж. Амиа алдсан Б, Д, Ч нар нь 40-42 насны, эрэгтэй хүмүүс юм байна. Тэднийг зам ангийн вагончигт угаартан амиа алдсан байсныг хамт ажиллаж байсан ажилчид нь мэдэж, цагдаад дуудлага өгсөн байна. Хэргийг Сонгинохайрхан дүүргийн Цагдаагийн хэлтэс шалгаж байна.
С.Отгон