Драмын урлагийн шилдгүүдийг шалгаруулах “Гэгээн муза-2010” наадам яг одоо Улсын дуурь бүжгийн эрдмийн театрт үргэлжилж байна. Найм дахь удаагаа болж буй тус наадмын Хүүхдийн жүжгийн төрлийн эхний номинацийн эзэд тодорч эхэлсэн талаар бид мэдээлсэн.

Тэгвэл оны шилдэг хүүхдийн жүжгийн эрэгтэй гол дүр номинацид “Амьдрал тэнцүү томъёо” жүжгийн Билэгтийн дүрээр жүжигчин Э.Идэрболд, Оны шилдэг хүүхдийн жүжгийн найруулагч номинацийн эзнээр мөн уг жүжгийг найруулагч Н.Пүрэвдорж шалгарлаа.

Хүүхдийн оролцоотой шилдэг бүтээл  номинацийн эзнээр Дундговь аймгийн театрын “Тэнгэрийн ивээл” жүжиг анхны алтан цомын эзнээр шалгарав. Энэ жил уг номинацийг шинээр нэмж оруулж байгаа юм.