Дорнод аймгийн Засаг даргын Тамгын газар, аймгийн Боловсрол,соёлын газар, “Тэнгэрлэг авьяас” ТББ-тай хамтран аймаг байгуулагдсаны 80 жилийн ойн хүрээнд аймгийн Ерөнхий боловсролын сургуулийн ахлах ангийн суралцагчдын чөлөөт цагийг зөв боловсон өнгөрүүлэх, тэдний авъяас чадварыг нээн хөгжүүлэх зорилгоор “АСК-2011” урлагийн шоу уралдааныг зохион байгуулахаар бэлтгэл ажилдаа ороод байна.
Мөн Дорнод нутгийн хөгжилд Зэвсэгт хүчний үүрэг байдлыг тодорхойлж, сурталчлах, хүүхэд залуучуудад эх оронч үзэл төлөвшүүлэх, тэдний оролцоог нэмэгдүүлж, зурах ур чадварыг хөгжүүлэх зорилгоор Монгол улсад Зэвсэгт хүчин байгуулагдсаны 90 жил, Дорнод аймагт Цэргийн штаб байгуулагдсаны 80 жилийн ойд зориулан ерөнхий боловсролын сургуулийн ахлах, дунд ангийн суралцагчдын дунд цэрэг, эх орны сэдэвт ЭССЭ бичлэг, уран зургийн уралдааныг аймгийн Засаг даргын Тамгын газрын Нийгмийн хөгжлийн хэлтэс, аймгийн Цэргийн штабтай хамтран зохион байгуулна. Дээрх уралдаан тэмцээнүүд ирэх сард зохион байгуулагдаж дүнгээ гаргана.