УИХ-аас батлан гаргасан хууль, шийдвэрүүдийг нийтлэн олон нийтэд хүргэдэг “Төрийн мэдээлэл” эмхэтгэлийн 20 жилийн ой өнөөдөр тохиож байна. Өнөөдөр 12.00 цагт эмхэтгэлийн ойд зориулсан хэвлэлийн бага хурлыг Төрийн ордонд хийх бөгөөд УИХ-ын Тамгын газрын дарга  Ц.Шаравдорж мэдээлэл хийх юм байна. Үүний дараа Төрийн ордны Чингисийн ёслол хүндэтгэлийн цогцолбор дахь  Парламентын түүхийн музейд эмхэтгэлийн түүхийг харуулсан тусгай булан нээх ёслолыг зохион байгуулах юм. Уг үйл ажиллагаанд УИХ-ын дарга Д.Дэмбэрэл оролцохоор болжээ.