Монголын жүдо бөхийн холбооны 2011 оны өсвөр үеийн улсын аварга шалгаруулах тэмцээн энэ жил Баянхонгор аймагт болох гэж байна. Монголын жүдо бөхийн холбоо, Баянхонгор аймгийн Засаг даргын тамгын газар, Баянхонгор аймгийн жүдо бөхийн холбооноос хамтран Монгол Улсын гавьяат тамирчин, Монголоос төрсөн самбо бөхийн анхны дэлхийн аварга Ш.Чанарав агсны нэрэмжит өсвөрийн улсын аварга шалгаруулах тэмцээнийг энэ сарын 22, 23-нд Баянхонгор аймагт зохион байгуулахаар болжээ.