БНХАУ-аас Монгол Улсад суух Онц бөгөөд Бүрэн эрхт элчин сайд Ван Шяолун албан ажилдаа орсонтой холбогдуулан хүлээн авалт хийлээ. Уг арга хэмжээнд гадаад орнуудаас Монгол Улсад суугаа ЭСЯ-дын тэргүүн, дипломат ажилтнууд, цэргийн атташе нар, УИХ-ын гишүүдийн төлөөлөл, нийслэлийн удирдлага гээд олон газрын төлөөлөгчид оролцлоо.
Элчин сайд Ван Шяолун Монгол Улсад ажиллах бүрэн эрхийн хугацаандаа хоёр орны харилцааг гүнзгийрүүлэн хөгжүүлэх талаар хүчин чармайлт гаргаж ажиллахаа илэрхийлсэн юм. Мөн БНХАУ-д Бүх Хятадын Ардын төлөөлөгчдийн Их Хурал хуралдаж ХII таван жилийн төлөвллөгөөг батлан социалист ардчиллыг гүнзгийрүүлэн хөгжүүлэх талаар тогтоол шийдвэр гаргасныг танилцууллаа.