Спортын бэрх замд эрчүүдээс дутахгүй хүч үзэж, энэ зам дахь хатуу хөтүүг, эх орныхоо нэр төртэй үүрч яваа тамирчин бүсгүйчүүдээр бахархахаас аргагүй. Тус тусын ажил, амьдрал, амжилтыг хөөгөөд завгүй явдаг тамирчин бүсгүйчүүдэд дуулгах шинэ мэдээ байна. МҮОХ-ны дэргэдэх “Спорт ба эмэгтэйчүүд” комисс санаачлан эмэгтэй сагсан бөмбөгчдийн тэмцээн явуулахаар болжээ. Тэмцээний дэлгэрэнгүй мэдээлэл, заавар, журмыг дор хавсаргав. Уншаад үзүүрэй бүсгүйчүүд ээ.

1. Тэмцээний зорилго:

Сагсан бөмбөгийн спортыг сурталчилж, эмэгтэйчүүдийн дунд зохион байгуулдаг сагсан бөмбөгийн тэмцээний тоог нэмэгдүүлж улмаар улсын шигшээ багийг бүрдүүлэн олон улс, тивийн чанартай тэмцээнд оролцуулах

2. Тэмцээний удирдлага, зохион байгуулалт:

МҮОХороо, МҮОХорооны “Спорт ба эмэгтэйчүүд” комисс, МСБХолбоо, МҮОНТ-ийн Уран бүтээлийн 4-р нэгдэл

3. Тэмцээн явагдах газар, хугацаа:

Тэмцээн 2011 оны 4-р сарын 2, 3-ны өдрүүдэд Буянт-Ухаа дахь спортын шинэ ордонд болно. Жич: (Тэмцээнд олон баг оролцох бол 3-р сарын 31, 4-р сарын 1-ны өдрүүдэд хэсгийн тоглолтуудыг спортын төв ордоны А танхимд зохион байгуулна)

4. Тэмцээнд оролцох баг, байгуулага:

Тэмцээнд Улаанбаатар хотын бүх дүүргүүдийн спорт хороо, тусгай газруудын спорт хороо болон их дээд сургуулиуд, спорт клубуудын шигшээ баг, компани, аж ахуйн нэгж байгуулагын баг тамирчид оролцоно.

5. Техникийн зөвлөгөөн:

Тэмцээний техникийн зөвлөгөөн 2011 оны 3-р сарын 30-ны 14 цагт Спортын төв ордны хурлын танхимд болно. Багийн дасгалжуулагч баг тамирчидаа гэрчлэх иргэний үнэмлэх, баримт бичиг, багийн баталгаажуулсан мэдүүлэг, 3*4 харьцаатай цээж зургийг авч ирнэ.

6. Тэмцээний журам:

• Тэмцээн 34 хүртэлх, 35-аас дээш гэсэн хоёр насны ангиллаар явагдана. Багийн тамирчид тоглолтын жигд хувцастай, хувийн дугаартай байх шаардлагатай. Тухайн тоглогч зөвхөн нэг насны ангилалд тоглоно.
• Техникийн зөвлөгөөнд багийн дасгалжуулагч оролцох бөгөөд зарласан цагаас хоцорсон тохиолдолд багийг нь тэмцээнд оролцуулахгүй.
• Багуудаас тэмцээнд оролцох эрхийн төлбөр авахгүй. Багууд тоглолтын цагтаа ямагт бэлэн байх, нээлтийн арга хэмжээнд бүгд оролцох үүрэгтэй.
• Багууд зохион байгуулалттай оролцож,  хувцаслалтыг бүрэн жигд хангах

7. Тэмцээний шагнал:

34-өөс доош нас

• 1-р байр Цом, Алтан медаль, өргөмжлөл, мөнгөн шагнал
• 2-р байр Мөнгөн медаль, өргөмжлөл, мөнгөн шагнал
• 3-р байр Хүрэл медаль, Өргөмжлөл, мөнгөн шагнал
• Шилдэг тоглогч-2 тус бүр өргөмжлөл, мөнгөн шагнал

35-аас дээш нас

• 1-р байр Цом, Алтан медаль, өргөмжлөл, мөнгөн шагнал
• 2-р байр Мөнгөн медаль, өргөмжлөл, мөнгөн шагнал
• 3-р байр Хүрэл медаль, өргөмжлөл, мөнгөн шагнал

• Шилдэг тоглогч-2 тус бүр өргөмжлөл, мөнгөн шагнал