Ирак, Афганистан, Сьерра-Леон гээд дэлхийн халуун цэгүүдэд үүргээ
онц сайн биелүүлсэн Монголын энхийг сахиулагч дайчдыг урих газар мундахгүй болжээ.
Өнгөрсөн жил НҮБ-ын ерөнхий нарийн бичгийн дарга Бан Ги Мүнээс онц үнэлгээ авсан
монгол дайчдыг Зааны ясан эрэгт ажиллуулах хүсэлт НҮБ-аас ирсэн аж. Уг асуудлыг
ойрын үед ҮАБЗ-өөр хэлэлцэх бололтой. Тэндээс Зааны ясан эрэг рүү цэргээ илгээх
эсэхийг шийдэх юм байна. Мөн Засгийн газрын хуралдаанаар нууцын зэрэглэлтэйгээр
хэлэлцсэн бололтой байна.

                                                                        Д.ОЮУН