Монголын Уран зургийн галерейн захирал, зураач А.Чадраабалын “Бух ба морины зохиомж” үзэсгэлэн Германы Берлин хотод өнгөрсөн пүрэв гаригт нээлтээ хийжээ. “Нэгэн цагт дэлхийг туурайн төвөргөөнөөр цочоож Монгол гэдэг нэрийг ертөнцийн чихнээ мөнхөд хоногшуулсан монголчууд өнөөдөр оюуны урлагаараа дахин довтлон гарч ирэх болтугай” гэсэн уриатай эл үзэсгэлэн ирэх баасан гариг хүртэл үргэлжилнэ.