Азийн хөлбөмбөгийн хол­­­­­­­­­­­боо­­­­­ны “Challenge Cup-2012” тэмцээ­ний урьдчилсан ша­­­танд учраа таарсан Монгол болон Филиппиний шигшээ багийн хариу тоглолт Мон­­­­го­­­лын хөлбөмбөгийн холбооны но­­гоон талбайд өчигдөр бол­­­­лоо. Талбайдаа хийсэн тоглолтод Монголын шигшээ баг 2:1 харьцаатай ялалт байгуулсан юм. “Талын хөх чононууд” хэ­дий­­­гээр талбайдаа хожсон ч өнгөрсөн сард Филиппиний Бако­лод хотноо болсон эхний тоглол­тод 2:0-ээр ялагдал хү­лээ­сэн учир хоёр тоглолтын нийл­­бэрээр 3:2 харьцаатай хожигдож, “Challenge Cup-2012” тэмцээнд оролцох бо­лом­жгүй боллоо. Хэрэв өчигд­рийн тоглолтод гурваас дээш гоо­­лын зөрүүгээр хожсон бол тус тэмцээнд оролцох эр­хээ авч, улмаар А хэсэгт Мьян­мар, Палестин болон Банг­­­­ладе­­­шийн багийн хамт тоглох байлаа.
Тоглолт эхлээд удаагүй бай­хад дөрөв дэх минутад Филиппиний шигшээ ба­гийн 7 дугаартай хагас хам­гаа­­­лагч Жеймс Жосеф Янгхас­бенд гоолын салхийг хагалсан бол Монголын хөлбөмбөгийн хол­­­бооны ногоон талбайд битүү цугласан хөгжөөн дэм­­­­жигчдийнхээ өмнө Монголын шигшээ багаас багийн ахлагч, 3 дугаарын өмсгөлийн эзэн Д.Лүмбэнгарав 22 дахь минутад тооны харь­цааг тэнцүүлжээ. Улмаар тоглолтын 35 дахь минутад 5 дугаартай Б.Гарьдмагнай 11 метрийн цохилтоос тооны харьцааг 2:1 болгосон байна.
Ямартай ч “Талын хөх чононууд” нутагтаа илүүрхэж, Филиппиний шигшээ багийг 2:1 харьцаатай буулган ав­лаа. Энэ тоглолтын шилдэг тоглогчоор Монголын шигшээ багийн ахлагч Д.Лүмбэнгарав тодорсон бөгөөд түүний “Дельта Сервис” компаниас амласан ёсоор нэг сая төгрөгөөр урамшуулсан юм.

С.Цэлмэг