Хөрөнгийн бирж одоогоор эзгүй байна. Р.Содхүү Улсын мэргэжлийн хяналтын ерөнхий газрын даргаар сонгогдож, Хөрөнгийн биржийн тамга тэмдгийг хүлээлгэж өгснөөс хойш бүтэн сар өнгөрчээ. Хөрөнгийн биржийг олон улсын хэмжээнд үйл ажилла­гаагаа өргөтгөх чадвартай болгохын тулд Лондонгийн хөрөнгийн биржийнхэнд итгэл хүлээлгээд байгаа. Нэг­дү­гээр сарын сүүлээр Лондон­гийн биржийн гүйцэтгэх хороо­ны гишүүн олон улсын хамтын ажиллагаа хариуцсан захирал Антони Версинг Монголд ирээд буцсан. “Millenium IT” компа­нийн захирал энэ эрхэм ирэхдээ олон улсад нэр хүнд­тэй “Millenium IT” программыг манай Монголд нэвтрүүлэх талаар ярьж байсан юм. Тэд Хөрөн­гийн биржид техникийн, бүт­цийн өөрчлөлт хийхээ дуулгасан бөгөөд Лондон­гоос  мэргэжилтэн дөрөвдүгээр сард багтаж ирэх бололтой. Лондонгийн бирж Монголд хэр хугацаанд ажиллах, ажиллах хугацаандаа ямар ажил ам­жуулах зэрэг нарийн асууд­лууд стратегийн гэрээнд тусах бололтой. Гэрээнд гарын үсэг зурах ажил тун удахгүй хийгдэх аж. Ирэх гуравдугаар сард гэрээнд гарын үсэг зурах юм байна. Хөрөнгийн биржид 350 орчим компани бүртгүүлс­нээс 80 гаруй компани нь идэв­хитэй үйл ажиллагаа явуулдаг гэнэ.