Samsung компани удаан хугацаанд, олон удаа туршиж үзсэний эцэст WiFi холболттой, "TangoView" буюу гэр бүлийн гишүүд, тэжээвэр амьтад, тавилга гэх мэт гэрийн дотоод хэсгийг бүхэлд нь хянах системтэй тоос сорогч роботыг танилцууллаа.

LG-ийн Hom-Bot цэвэрлэгч роботтой төстэй Samsung-ийн Tango цэвэрлэгч робот нь компьютер, смартфон, планшеттай холбогддог видео камертай ажээ. Тиймээс  бяцхан цэвэрлэгч шалаа цэвэрлээгүй үед гэрийн эзэд өөрсдийн компьютер, смартфон, планшетаа ашиглаж, роботын алсын удирдлагатай хяналтын камерт холбогдон, Tango роботыг хянах боломжтой гэнэ. Энэхүү робот цэвэрлэгч нь 711 ам.долларын үнэтэйгээр Солонгос улсад худалдаалагдаж байгаа юм байна.