Газар хөдлөлт, түүнийг дагасан цунамийн улмаас
амь үрэгдсэн болон сураггүй бологсдын тоо 1700-д хүрчээ. Японы цагдаагийн
газрын мэдээгээр одоогоор 564
хүн нас барсныг
тогтоогоод байгаа ба 200-300 цогцсыг Сендайд хүргээд байгаа ажээ. Түүнчлэн 200 гаруй цогцсыг мөн Иванума болон Натори
хэмээн Мияги мужийн хотууд
руу шилжүүлсэн байна. Амь үрэгдсэн хүмүүсээс гадна 600 гаруй хүн ор сураггүй алга болоод байгаа юм. Ямартай ч Иватэ, Фукушима зэрэг
таван мужид 210 мянган хүнийг нүүлгэн шилжүүлээд байна. Бүхэлдээ болон хэсэгчлэн нурж, сүйрсэн байшин барилгын тоо
3400 давжээ.

Иватэ мужийн Рикүзентака хот цунамийн улмаас үндсэндээ газрын хөрснөөс арчигджээ. Тус хотын захиргааны байр гурван давхар хүртлээ усанд автсан бөгөөд хотын хэмжээнд цөөн хэдхэн барилга үлдсэн байна. Мөн Иватэ мужийн Мияакогийн
далайн эрэг дагуух газрууд,
Ямадагийн бараг бүхий л хот, суурин усанд
автжээ. Фукушима мужид 1800 гаруй байшин, барилга сүйдсэн байна.

Дахин цунами үүсч болзошгүй байгаа тул аврагчид
цунамид өртсөн газруудад нэвтэрч ажиллах боломжоор
хязгаарлагдмал байгаа гэнэ. Өнөөдөр өглөөнийн байдлаар 5,5 сая айл өрх тог, цахилгаангүй болсноос гадна 18 мужид нэг сая гаруй айл өрх усгүй болсон байна.

С.Цэлмэг