Японд болсон хүчтэй газар хөдлөлтийн үеэр тус улсын Чиба мужид байрлах газрын тос боловсруулдаг Космо Ойл үйлдвэрт дэлбэрэлт гарсан байна. Уг боловсруулах үйлдвэрийн хэд хэдэн нефьт хадгалах сав газар хөдлөлтийн үеэр дэлбэрч улмаар галын хамрах хүрээ улам тэлжээ.

Космо Ойл компаний хэвлэл мэдээллийн төлөөлөгчийн мэдээлж байгаагаар дэлбэрэлтээс үүдсэн галыг унтраахаар эрчимтэй ажиллаж байгаа ба үйлдвэр боловсруулах үйл ажиллагаагаа бүрэн зогсоосон болохыг мэдэгджээ.