Хүнсний бүтээгдэхүүний үнийн өсөлт, улс төрийн эгзэгтэй үйл явдлууд Хятадын бага орлоготой иргэдийн амьжиргаанд  нөлөөлж, өнгөрсөн нэгдүгээр сард 10.3 хувьтай байсан бага орлоготой өрхийн хэмжээ хоёрдугаар сард 11 хувь болтлоо нэмэгджээ. Гэвч Бээжин үнийн өсөлтийг тогтоон барьж, инфляцийг жилд  дөрвөн  хувиас бууруулахгүй гэж төв банк нь үзэж байна. Хятадын төв банк инфляцийг тогтоон барихад юань чухал үүрэггүй. Харин  гадаад валютын ханшийг тогтвортой барьснаар зах зээлийн ханш хурдацтай өсөхөөс сэргийлж чадна гэж үзэж байна. 

Өнгөрсөн хоёрдугаар сард Хятадад инфляци өөрчлөгдөхөд үндэсний баяр цагаан сар нөлөөлж, бараа бүтээгдэхүүний үнэ ялангуяа хүнсний бүтээгдэхүүний үнэ нэмэгдэхэд хүргэсэн юм.

Хятадын удирдагчдын хамгийн их ач холбогдол өгч буй гол салбар нь үл хөдлөх хөрөнгийн зах зээл бөгөөд шинэ он гарснаас хойш эхний хоёр сард энэ салбарт хөрөнгө оруулалтыг түлхүү чиглүүлсэн аж.

Хятадын үл хөдлөх хөрөнгийн зах зээл өмнөх жилийн энэ үетэй харьцуулахад 35 хувиар өссөн байна. 

Гэсэн хэдий ч бага орлоготой өрхийн зээлийн хэмжээ доогуур байгааг засгийн газрын статистик судалгаа харуулж байгаа юм.

Хятадын засгийн газар энэ жил бага орлоготой өрхийн орлогыг нэмэгдүүлэх зээл олгохоор 197 тэрбум юань төсөвлөжээ.