Apple компани цагаан өнгийн iPhone 4-ийг ирэх дөрөвдүгээр сараас эхлэн худалдаанд гаргах гэж байна. Эх сурвалжуудын мэдээлж байгаагаар Хятад дахь Apple-ийн үйлдвэрт цагаан өнгийн iPhone 4-ийг аль хэдийн үйлдвэрлэж эхэлжээ.

Apple өмнө нь хэд хэдэн удаа цагаан өнгийн iPhone 4-ийг худалдаанд гаргахаа хойшлуулж байсан юм. Одоогоор зах зээлд цагаан өнгийн iPad 2 худалдаанд гараад байгаа билээ. Харин ирэх зургадугаар сар хүртэлх хугацаанд Apple өмнө тогтоосон амжилтаа давтаж чадах уу гэдэг нь сонирхогчдын дунд сонирхолтой асуудал болоод байна.