Монгол Улсын Ерөнхий сайд С.Батболд өнөөдөр орон сууцны зээлийн хүүг бууруулах асуудлаар холбогдох сайд, албан хүмүүстэй уулзаж, ярилцаад, дараах чиглэл өгсөн байна. Ингэхдээ нэгдүгээрт “100 мянган айл орон сууц” хөтөлбөрийг хэрэгжүүлэхэд шаардагдах санхүүгийн эх үүсвэрийг тодорхой болгох, орон сууцны урт хугацаат зээлийн хүүг жилийн 8-6 хувь руу бууруулах боломжийг судалж, асуудлаа ирэх долоо хоногийн даваа гаригт танилцуулахыг холбогдох хүмүүст үүрэг өгчээ.