“Илүү тэнгэртэйд нь алагдаж, ижил тэнгэртэйд нь үзэгдэнэ” хэмээн манай төрийн түшээдийн бууныхаа амыг мялаадаг болсон саарал чоно Монголд ховорджээ. Айлын хот руу өнгийгөөд байна гэж адлагддаг үе бараг шувтрах тийш болсон гэнэ. Иймд барагдаагүй байгаа дээр нь саарал чоноо хамгаалахаар болсон байна. Маргааш 11.0 цагаас Төрийн ордонд УИХ-ын Байгаль орчин, хүнс, хөдөө аж ахуйн байнгын хороо, Байгаль орчин, аялал жуулчлалын яам, Шинжлэх ухааны академи хамтран Саарал чоно хамгаалах сэдвээр хэлэлцүүлэх хийхээр болжээ.

Эрхэм гишүүд, сайд, дарга нар, эрдэмтэн судлаачид хамтран чоно хамгаалах талаар байр сууриа илэрхийлж,санал бодлоо солилцох ажээ.