Монголын боулингийн холбооны 2011 оны чансаа ахиулах Лигийн 3-р сарын эмэгтэйчүүдийн тэмцээн “Big Bowling” төвд болж, долоон клубийн 19 тоглогч оролцлоо. Тэмцээнд 1-р зэргийн тоглогч С.Дэлгэрцэцэг /Big Bowling/ 167,6 дундаж оноогоор тэргүүлж, өндөр оноо /193/-ны шагналыг авснаар энэ оны чансааг хошуучилж эхлэв.

Харин 2-р байрт хоёр дахь удаагаа лигийн тэмцээнд оролцож байгаа холбооны отгон клубийн залуу тоглогч Б.Мягмарцэнд /B Zone/ шалгарч, анхны шагналаа гардсан бол УАШТ-ий алт, хүрэл медальт, 1-р зэргийн тоглогч Ш.Гэрлээ /Green Strikes/ туршлага заан, гуравдугаар байр эзэллээ. Тэмцээний үеэр тус холбооны ерөнхийлөгч Н.Тамир оролцогч бүсгүйчүүддээ эмэгтэйчүүдийн баярын мэнд хүргэж, гал улаан сарнай бэлэглэсэн байна.

Энэ сарын лигийн эрэгтэйчүүдийн дээд болон дэд зиндааны тэмцээн гуравдугаар сарын 15-ны мягмар гаригт “Big Bowling” төвд болно.