Төв аймгийн хүүхдийн спортын дөрөвдүгээр их наадмын хүрээнд боксын аймгийн аварга шалгаруулах тэмцээн амжилттай зохион байгуулагдлаа. Тэмцээнд Заамар сумын Шижир Алт сургууль, Зуунмод сумын Хүмүүн цогцолбор сургууль, тавдугаар сургууль, МСҮТ-ийн 30 гаруй сурагчид авхаалж самбаагаа сорин өрсөлдлөө. Охидоос 40-44 кг-ын жинд Заамар сумын Шижир Алт сургуулийн О.Баясгалан, 46 кг-ын жинд Шижир Алт сургуулийн Н.Жавзандулам, 52 кг-ын жинд мөн тус сургуулийн Х.Ижилмөрөн нар тэргүүн байранд орж алтан медалийн эзэд боллоо. Харин хөвгүүдээс 42 кг-ын жинд Шижир Алтын Ц.Баярбилэг, 46 кг-ын жинд мөн тус сургуулийн Г.Ууганбаяр, 50 кг-ын жинд Шижир Алтын Х.Улаанбаатар, 60 кг-ын жинд 5-р сургуулийн Ш.Түвшинбаяр нар бусдыгаа тэргүүллээ. Багийн нийлбэр дүнгээр 1-р байрыг Г.Ганзориг дасгалжуулагчтай Заамар  сумын Шижир Алт сургууль, 2-р байрыг Ч.Ганболд дасгалжуулагчтай 5-р сургууль, 3-р байрыг Д.Очирдарь дасгалжуулагчтай Хүмүүн цогцолбор сургуулийн багууд эзэллээ.