“Voice group” анхны бие даасан цомгоо тун удахгүй өлгийдөн авах нь ээ.  Тус хамтлагийнхан   “Voice of Mongolia” нэртэй анхны цомгийн энэ сарын 18-нд  18.00 цагт “Баянгол” ресторанд танилцуулж, уран бүтээлийн үдэшлэгээ хийх гэж байна. Энэхүү цомогт нь  “Хайрлан шүтэх эх орон”, “Монгол”, “Voice of Mongolia”, “Дорнын сондор Улаанбаатар”, “Хайрын дуу”, “Хүний заяа”, хамтлагийн дуучин тус бүрийн нэг нэг соло уран бүтээл  bonus track-т нь “The Phantom of the opera” зэрэг  14 дуу  нь багтжээ.  Тус хамтлагийнхан эл цомгийнхоо бичлэгийг “Анир records”, “Maks”, “Color records”, “MIM” продакшнд хийлгэсэн юм байна.   "Баянгол" ресторанд болох “Voice of Mongolia” цомгийн үдэшлэгт Монгол улсын морин хуурын чуулга, Дуурь бүжгийн эрдмийн театрын дуучид, төгөлдөр хуурч, соёлын тэргүүний ажилтан Т.Энхтуул нар урилгаар оролцон тус хамтлагийнхан цомгийнхоо уран бүтээлээс гадна сонгодог дуунуудаа толилуулах юм байна.

Г.Даша