АНУ-ын Калифорни мужийн Анахеймийн холбооны ахлах сургууль долоо болон наймдугаар ангийн хичээлээ байнга тасалдаг сурагчдыг хянах зорилгоор GPS төхөөрөмжийг ашиглаж эхэлжээ. Хэдий нийт сурагчдыг хянаагүй ч, долоо хоногт 4-өөс дээш цагийн таслалттай сурагчдыг энэхүү GPS-ээр хянах хөтөлбөрт хамруулж байгаа ажээ.

Хяналтын хөтөлбөрт хамрагдаж байгаа сурагчдад GPS төхөөрөмжийг өгсөн бөгөөд сурагчид нэг хичээлийн өдрийн турш 5 удаа заавал шалгуулж байх ёстой гэнэ. Түүнчлэн хичээлийн өглөө бүр сургуулиас сурагчдын гэр лүү утасдаж, хичээлтэй гэдгийг нь сануулах ба долоо хоногийн гурван өдөр зөвлөх багш нар сурагчдыг цагтаа ирсэн эсэхийг нь тооцож, мэдэгдэл хийж байх юм. Гэхдээ энэхүү хөтөлбөрт сургуулийн зүгээс нэлээдгүй хэмжээний хөрөнгө зарцуулж байгаа ажээ.