Ямар сайндаа л ерээд оны дундуур малын их эмч С.Дэжидбал:
”Хөө хийгээр амьсгалдаг Мандалговийхон чулуун уушигтай
Хөндий төмрөөс ундаалдаг Мандалговийхон чонын ходоодтой” хэмээн шүлэглэж байхав даа.
Сая тус аймагт нэгэн дэвшилтэй технологи нэвтэрч эхэлсэн нь газрын гүний усны хатуулаг, бохирдол зэрэг арваад үзүүлэлтийг тогтмол шинжилж таван минут дутамд мэдээллээ CDMA үүрэн холбооны технологиор дамжуулан автоматаар хяналтын төвд өгч байх төхөөрөмж суурилуулж эхэлсэн явдал боллоо.
Хяналтын төвийг аймгийн Байгаль орчны хэлтэс дээр байрлуулж тэндхийн усны мэргэжилтэн мэдээллийг нэгтгэн дүгнэлт хийн шаардлагатай үед холбогдох арга хэмжээг авч байх боллоо.
Аймгийн Засаг дарга, доктор, профессор Д,Чандманы идэвхитэй хөөцөлдлөгөөр Өмнөд Солонгосын их сургуулийн эрдэмтэн багш нар дээрх төхөөрөмжийг туршилтын журмаар Мандалговийн ундны усны эх үүсвэрт тавин туршиж байна. Тус их сургуулийн эрдэмтэд “Газрын гүний ус цагийн дотор бохирдож болох ч бохирдлыг арилгахад зуун жил шаардагдана гэж ярьж байна.
Цаашид бүх төв суурин газар, аймгийн нутаг дэвсгэрийг хамрах энэ хүү гүний ус автоматаар шинжлэх төсөл нь Дундговь аймгийн тавь шахам мянган хүн амын эрүүл мэндийг сахин хамгаалах, ирээдүйгээ харсан томоохон арга хэмжээ болж байна.