Говь-Алтай аймгийн эрүүл мэндийн газраас 2011 оныг “Нийгмийн эрүүл мэнд, нийтийн биеийн тамирыг дэмжих жил” болгон зарлажээ. Уг аяны хүрээнд энэ сарын 1-2-ны өдрүүдэд удирдах ажилтны зөвлөгөөн зохион байгуулсан байна. Жилийн туршид төрийн болон төрийн бус албан байгууллагууд нийгмийн эрүүл мэнд, нийтийн биеийн тамирыг хөгжүүлэх, дэмжих талаар хэрэгжүүлэх ажлын төлөвлөгөөг ирэх долоо хоногт багтаан ирүүлэхийг даалгажээ.