Энэ сарын 18-нд тохиох Цэргийн баярын өдрөөр Зэвсэгт хүчний цэргийн дээд цол Генералын мөрдөсний алтан өлзийг таван хошуу болгон өөрчлөхөөр болжээ. Монгол улс 1936 оноос тухайн үеийн ЗХУ-д хэрэглэж байсан цэргийн цолыг хуулбарлан хэрэглэхдээ өлзий хээг авч дараагаар нь 1963 онд таван хошуу болгон өөрчилсөн бөгөөд 1990 онд дахин өлзий хээг авч хэрэглэсэн түүхтэй  аж. Өөрчлөх болсон шалтгаан нь дэлхийн улс орнуудын Зэвсэгт хүчний байгууллагын ихэнх нь таван хошуу хэрэглэж байгаатай холбоотой гэнэ.