Сагсан бөмбөгийн  “TLG-13” ТТБ-аас  санаачлан  их дээд сургуулиудын оюутан залуусын сагсан бөмбөгийн аварга шалгаруулах тэмцээнийг зохион байгуулж байна. Тэмцээнд  ИЗИС, ОТИС, УБИС, Мон-Алтиус БТДС зэрэг 14 их, дээд сургуулийн эрэгтэй 14, эмэгтэй зургаан баг өрсөлдөж байна. Өсвөр үе болон оюутан залуучуудын чөлөөт цагийг зөв зохистой өнгөрүүлэх, тэдний дунд сагсан бөмбөгийн спортыг сурталчилж, шилдэг шинэ залуу баг, тамирчдыг шалгаруулах зорилгоор тус тэмцээнийг зохион байгуулж байгаа ажээ. Тэмцээний аваргууд маргааш тодорно.

Ц.Хишиг