Британийн дуучин бүсгүй Адель “19” нэртэй цомог гарган, уг цомог нь олон сая хувь борлогдож олны танил болсон. Тэрбээр цомогт багтсан дуунуудаа хэдэн настайдаа бичсэнээсээ хамааран насныхаа тоогоор цомгоо нэрлэдгээрээ онцлогтой. Энэ жил дуучин бүсгүй 21 нас хүрсэн бөгөөд “21” нэртэй цомгоо гаргасан юм.

Түүний энэхүү цомгийг Columbia Records/XL эрхлэн гаргасан бөгөөд шилдэг цомгийн жагсаалтыг хоёр долоо хоногийн турш тэргүүлж, шуугиан тариад байна.

Грэммийн хоёр удаагийн шагналт дуучин бүсгүй энэ цомогтоо Рик Рубин, Пол Эпворт, Райан Теддер, Дэн Уилсон, Фрейзер Смит зэрэг уран бүтээлчидтэй хамтран ажилласан гэнэ.