Байгаль орчин, аялал жуулчлалын яам 2011 оныг “Усны жил” болгон зарласан. Мөн удахгүй болох Дэлхийн усны өдрийг угтан “Усны үнэ цэнийн талаарх олон нийтийн ойлголтын түвшинд нөлөөлөх” кампанит  ажил зохион байгуулж эхлээд байна. Энэ ажлын хүрээнд 3-5  насны  хүүхдүүдийн дунд “Ус бидний амьдралд” сэдэвт гар зургийн уралдааныг энэ сарын 1-9-ний хооронд зарлажээ. Уралдаанд ирүүлсэн бүтээлүүдээс сонгон, сурталчилгааны материал болгон хэвлүүлж, олон нийтэд хүргэх юм.