Европын холбооны Төлөөлөгчийн газрыг Улаанбаатарт нээхэд туслалцаа
үзүүлэхийг хүсч, тус холбооны Гадаад хэрэг, аюулгүйн бодлогын Дээд
төлөөлөгч, Европын комиссын дэд ерөнхийлөгч К.Аштонд Монгол Улсын Гадаад
харилцааны сайд Г.Занданшатар өмнө нь захидал илгээж байсан билээ. Уг
асуудлыг Европын холбооны үндсэн байгууллага болох Европын комисс,
Европын Гадаад харилцааны алба, Европын парламент гурвуулаа дэмжиж,
холбогдох арга хэмжээ авахаар ажиллаж байгаа юм байна. Энэ тухай Европын
парламент дахь Төв Ази, Монголын бүлгийн дарга Паоло Барталоцци хариу
захидал ирүүлж мэдэгджээ.