Монголын буудлага спортын холбооны цомын тэмцээн өчигдөр Буудлага спортын төвд эхэллээ. Энэ удаагийн “Холбооны цом”-ын тэмцээнд есөн байгууллагын 80 тамирчин оролцож байгаа бөгөөд тэмцээний аваргууд энэ сарын 5-нд тодрох ажээ.

Тус тэмцээнд амжилттай оролцсон тамирчид “Дэлхийн цом”-ын тэмцээнд оролцох эрхтэй болох юм. Дашрамд сонирхуулахад, ISSF буюу Олон улсын буудлага спортын холбооны гар буу, урт буу болон таваг буудлагын “Дэлхийн цом”-ын тэмцээн гуравдугаар сарын 21-нээс дөрөвдүгээр 1-ний хооронд Австралийн Сидней хотод болно.