Монгол Улсын ерөнхийлөгчийн зарлигаар Боловсрол, соёл, шинжлэх ухааны салбарыг хөгжүүлэхэд үнэтэй хувь нэмэр оруулж олон жил үр бүтээлтэй ажилласан  хүмүүсийг Монгол улсын одон, медалиар шагнасан байна. Уг шагналыг БСШУ-ны сайд Ё.Отгонбаяр өнөөдөр гардуулсан юм. Монгол Улсын гавъяат багшаар МУИС-ийн цөмийн судалгааны төвийн багш Б.Далхсүрэн, ШУТИС-ийн багш М.Дэлгэрсүрэн, Хөгжим бүжгийн коллежийн багш Ё.Батбаяр, Шинэ Монгол сургуулийн сургалтын менежер Ш.Адилбиш нар шагнуулсан байна. Харин Хөдөлмөрийн гавъяаны улаан тугийн одонгоор ХААИС-ийн багш н.Бүүвэйбаатар шагнуулсан бол Алтан гадас одонгоор ХААИС-ийн багш Г.Батбаяр, Оюунлаг дунд сургуулийн багш Д.Мядаг, ХҮДС-ийн багш Д.Оюунцэцэг, Их шавийн дээд сургуулийн багш Ч.Сүхбаатар, СХД-ийн Гэгээрэл хөгжлийн төвийн багш А.Тийтаа, Улаанбаатар ДС-ийн багш А.Хандмаа, нийслэлийн 88-р сургуулийн багш Ч.Эрдэнэцэцэг нар шагнуулжээ.

Мөн Хөдөлмөрийн хүндэт медалаар СХД-ийн 105-р сургуулийн багш Г.Лхагваа болон Налайх дүүргийн Чандмань цогцолборын багш  Ү.Төмөрхүү нар тус тус шагнуулсан байна.