Сүүлийн өдрүүдэд LG болон Sony компаний хооронд LG-ийн патентын эрхтэй Blu-ray технологийг Sony компани PlayStation 3-т хууль бусаар ашигласан гэх үндэслэлээр зарга маргаан явагдаж, шүүхийн хаалга татаад байсан. Харин энэхүү заргад LG-ийн тал ялж, Sony PlayStation 3 консолуудыг дэлхийн хаана ч худалдаалахыг хориглосон байна.

Үүний дараахан Европ руу тээвэрлэж явсан хэдэн арван мянган Sony PlayStation 3-ыг замд нь хураажээ. Гэхдээ Sony  компани хоригийг цуцлуулахаар давж заалдсан бөгөөд хэрэв энэ хориг цуцлагдвал хураагдсан тоглоомын консолуудыг зарж борлуулах эрхтэй болох юм. Сонин сэтгүүлүүдэд эл үйл явдлыг зохиогчийн эрхтэй холбоотой элдэв заргуудыг дэвэргэх үндэс боллоо хэмээн бичиж, нийтэлж байна.