Прокурорын байгууллагын үйл ажиллагаанд ил тод, нээлттэй байх зарчмыг хэрэгжүүлэх, улсын Ерөнхий прокурорын газраас дэвшүүлж буй бодлого зорилтыг нийт прокурор, бусад байгууллага, иргэдэд цаг тухайд нь хүргэж байх шаардлагыг харгалзан Улсын Ерөнхий прокурорын газраас улирал тутам “Мэдээлэл” сэтгүүл гаргаж байхаар болжээ.

Улсын Ерөнхий прокурорын 2011 оны 11 тоот тушаалаар “Мэдээлэл сэтгүүлийн зөвлөл, редакцийн бүрэлдэхүүнийг шинэчлэн баталсан байна. “Мэдээлэл” сэтгүүлд Улсын Ерөнхий прокурорын тушаал, удирдамжийн бичиг баримт, эрүүгийн хэрэгт прокуророос тавих хяналтын ажилд мөрдөж ажиллах аргачлал, зөвлөмж, бусад орны прокурорын байгууллагын үйл ажиллагаа болон онол практикийн бусад асуудлуудыг нийтэлж байх аж.