Казахстан Улсын нутаг дэвсгэрт онц хүнд гэмт хэрэг үйлдэж улмаар шүүхийн шатнаас оргон зайлж Монгол Улсын нутаг дэвсгэрт орогнож байсан 39 настай С гэх этгээдийг Эрүүгийн цагдаагийн газрынхан болон Баян-Өлгий аймгийн Цагдаагийн газрын албан хаагчид хамтран эрэн сурвалжилж баривчилсан талаар бид өмнө нь мэдээлж байсан. Тэгвэл дээрх онц хүнд гэмт хэрэгтнийг тус улсын хууль сахиулах албанынханд Баян-Өлгийн аймгийн Цагдаагийн хэлтсийн Эрүүгийн тасгийнхан хүлээлгэн өгчээ. Тэд “Оскемен” Олон Улсын нисэх онгоцны буудлаас өнөөдөр нутаг буцах гэнэ. Оргодол С нь онц ноцтой хэрэг үйлдсэнийхээ дараа буюу 2001 онд анхан шатны шүүхийн шатнаас оргон зайлж улмаар манай улсын нутаг дэвсгэрт есөн жил орогносон болохыг хуулийн ажилтнууд тогтоосон байна.
Н.Түвшин