“SK Telecom” компани Apple-ийн iPhone 4-ийг Өмнөд Солонгосын зах зээлд худалдаалж эхлэх гэж байна. Тус компани ирэх гуравдугаар сараас эхлэн өөрийн сүлжээ дэлгүүрүүдээр iPhone 4-ийг зарж эхлэх ажээ.
Өмнөд Солонгост одоогийн байдлаар харилцаа холбооны “KT” компани уг утсыг борлуулж байгаа юм байна. SK Telecom компани удахгүй iPhone-ийг худалдаалж эхэлбэл Солонгос улсад Apple-ийн бүтээгдэхүүнийг борлуулагчдын тоо нэмэгдэн, өрсөлдөөн бий болж, зах зээл жинхэнэ утгаараа хэрэгжих юм. Гэхдээ iPhone-ийг худалдан авагчдын тоо өдрөөс өдөрт өссөөр байгаа нь энэхүү утас хэрэглэгчдийг татах өөрийн гэсэн увидастай гэдгийг баталж байна хэмээн интернэт эх сурвалжууд бичжээ.
Б.Энхцэцэг