Сүрьеэтэй тэмцэх сэргийлэх, урьдчилан сэргийлэх асуудалд дэлхий нийтийн анхаарлыг хандуулах Сүрьеэтэй тэмцэх олон улсын өдөр гуравдугаар сарын 24-нийг тохиолдуулан Халдварт Өвчин Судлалын Үндэсний Төв, “Оюуны дархлаа” төрийн бус байгууллагаас хамтран сонин хэвлэл, веб сайтын сэтгүүлчдийн дунд шилдэг бүтээлийн уралдааныг  хоёрдугаар сарын 20-ноос гуравдугаар сарын 20-ны хугацаанд зарлаж байгаа аж. Нийт хүн амд сүрьеэ өвчний тухай үнэн, зөв мэдээллийг түгээн дэлгэрүүлэх, сүрьеэгийн халдвараас урьдчилан сэргийлэх арга замыг тайлбарлан ойлгуулах, сүрьеэтэй хүмүүсийг ялгаварлан гадуурхахгүй байх хүмүүнлэг, иргэний зарчмыг баримтласан байх шаардлагатай. Түүнчлэн сүрьеэ өвчнөөс урьдчилан сэргийлэх талаар төр засаг, олон нийт, иргэний нийгмийн байгууллагуудын зүгээс ямар ажил хийх нь зүйтэй болох талаар тодорхой санал дэвшүүлсэн, эмчилгээг таслахгүй байхын ач холбогдлыг тайлбарлан таниулсан байх ёстой гэнэ.Уралдаанд оролцогч нь дээрх сэдвээр 2-оос доошгүй бүтээл бичиж, нийтлүүлсэн байна. Шалгарсан бүтээлийг дор дурдсан байр эзлүүлж урамшуулна.