БНХАУ-аас Монгол Улсад суух Онц бөгөөд Бүрэн эрхт Элчин сайд Ван Шяолун итгэмжлэх жуух бичгээ Монгол Улсын Ерөнхийлөгч Ц.Элбэгдоржид өргөн барив. Үүгээр Хятадын шинэ Элчин сайд үүрэгт ажилдаа орж байгаа юм. Маргааш БНХАУ-ын Гадаад хэргийн сайд Ян Жэчи манай оронд айлчилна. Үүний өмнө шинэ Элчин ийнхүү ажлдаа оржээ.

Ноён Ван Шяолун нь 1965 онд Хэбэй мужид төрсөн, эдийн засгийн ухааны доктор хүн юм байна. Тэрбээр 1987-1988 онд БНХАУ-ын ГХЯ-ны орчуулгын танхимын ажилтан, 1989-1992 онд  Олон улсын газрын атташе, 1992-1995 онд НҮБ дахь Суурин төлөөлөгчийн газрын атташе, гуравдугаар нарийн бичгийн дарга, 1995-2000 онд ГХЯ-ны Олон улсын газрын гуравдугаар нарийн бичгийн дарга, тасгийн орлогч дарга, тасгийн дарга, 2000-2007 онд Олон улсын газрын зөвлөх, дэд дарга, 2007-2008 онд Хэбэй мужийн Цанжоу хотын дэд дарга байжээ. Бүгд найрамдах Сингапур улс дахь БНХАУ-ын ЭСЯ-ны Элчин зөвлөхөөр 2008 оноос ажиллаж байгаад Монголд ирж байгаа юм.