Туулай жилийн босгон дээр Ерөнхийлөгчөөс Монгол улсын Алдарт уяач цол гардан авсан Өвөрхангай аймгийн Хайрхандулаан сумын харьяат Бат-Өлзийн Отгоннасан шинийн зургаанд цолны мялаалгад зориулсан хүндэтгэлийн хүлээн авалтыг зохион байгуулсан бол шинийн 15 –ны билэгт  сайн өдөр Арвагар хээрийнхээ морь барианы төв дээр Азарга их насны хурдан хүлэг уралдуулан, уяачиддаа хүндэтгэл үзүүллээ.

Уралдааны азарга насанд 52 хурдан хүлэг уралдсанаас  Сант сумын уугуул ААУяач З.Санчирын  “Ноён” хээр, Уянга сумын “Баян уянга” ХХК захирал ААУяач  Г.Ганбаатарын  бор,   Баянгол сумын уугуул ААУяач Ц.Тогоомааширын зээрд халзан, Өлзийт сумын уугуул Авто тээврийн газрын орлогч дарга ААУяач О.Лхавгасүрэнгийн  зээрд халзан, Дундговь аймгийн  Сайхан овоо сумын уяач Алтангэрэлийн хээр эхний таван байр, их насанд 68 хурдан хүлэг уралдсанаас Уянга сумын уугуул ААУяач Жаргалсайханы буурал,  Арвайхээр сумын уугуул Гансүхийн  бор халзан,  Нарийнтээл сумын уяач Нямдоржийн бор, Бүрд сумын САУяач Сэр-Одын хээр,  Төгрөг сумын уяач Эрхэмбаярын хар тус тус хурдлаж хурсан олон унасан хүүхэд уяачаа баярлуулав.

Алдарт уяач Б.Отгоннасан түрүү морьдыг мотоциклээр байлж морь унасан хүүхэд болгонд бэлэг гардуулав.

Арвагархээр холбооноос зохион байгуулж Алдарт уяачаа 9 сая төгрөгний үнэ бүхий 6 ханатай сийлбэртэй гэрээр мялаав. Энэ мялаалгын арга хэмжээнд доорхи хүмүүс оролцжээ.