Смартфон, таблет компьютерүүдийн зах зээлд тус компани өрсөлдөөнийг хязгаарласан гэж эдгээр байгууллагынхан үзжээ. Европын хэвлэн нийтлэгчид “дайсагнасан ажиллагаа” явуулна гэж заналхийлэв. АНУ-ын Хууль зүйн яам болон Холбооны худалдааны комисс “Apple”-ийн эсрэг мөрдөн байцаалт явуулж магадгүй гэж “The Wall Street Journal” сонинд бичжээ. Монополийн эсрэг байгууллагынхан iTunes хавсралт дээрээ онлайн захиалгын худалдааг явуулахдаа компани өрсөлдөөний хуулийг зөрчин 30 хувийн комиссийн үнэ авдаг гэж үзсэн тухай “Bloomberg” мэдээлэв. “Apple” компанийн төлөөлөгч шуурхай тайлбар өгч чадаагүй байна.
Одоо компани нь зөвхөн iTunes App Store –аар дамжуулан iPhone ба iPad-д зориулсан видео, хөгжим, захиалгыг хэвлэлд санал болгож байна. Зах зээлд оролцогсод зөвхөн өөрийн онлайн худалдааг дэмжин хөхиүлж өрсөлдөөнийг Apple хязгаарлаж байгаа гэдэгт итгэлтэй байгаа юм.
“Хувь төлөлгүйгээр худалдаа хийхийг хүмүүст хориглож байгаа шиг “Apple” хэтэрхий түрэмгий байр суурь барилаа” хэмээн WSJ сонинд Санта-Кларагийн их сургуулийн өндөр технологийн хууль зүйн институтын захирал Эрик Голдман ярив. Еврокомисс мөн л “байдлыг анхааралтайгаар ажиглаж байна” гэж төлөөлөгч нь мэдэгджээ.
Хөгжмийн үйлдвэрлэгчид Apple компанийн энэхүү 30 хувийн үнэ нь тэдний орлогыг мэдэгдэхүйцээр бууруулна гэж байгаа. Францын Deezer компанийн ерөнхийлөгч Акселя Душеза “Ийм байдал нь Европын өрсөлдөөний салбарыг амь зогоох төдий байдалд хүргэлээ” гэсэн юм. Хөгжмийн компаниудад зохиогчийн эрхийн төлбөрийг хийхэд ээдрээтэй боллоо гэж Rhapsody International компанийн ерөнхийлөгч Жон Ирвин сонины сэтгүүлчдэд хэлсэн байна. Зах зээлд оролцогсод “Apple” компанийг арай уян хатан гэрээг хөгжмийн компаниудтай хийх болов уу хэмээн найдаж байна. Зохиогчийн эрхийн төлбөр дээр комиссийн мөнгийг нэмэх нь “эдийн засгийг хөнөөнө” гэж Financial Times бичсэн байлаа.
Apple-ийн бодлого Европын хэвлэн нийтлэгчдийн дургүйцлийг гаргалаа. Мэдээний аж үйлдвэрийн олон улсын эвсэл (INMA) мэдэгдэхдээ орлогын 30 хувийг хурааж байгаа тэдний шинэ бүтээгдэхүүнд хөрөнгө оруулалт хийхгүй гэсэн байна. Үүний үр дүнд нь нэмүү өртгийн татвар төлсний дараа Европын хэвлэлийн газруудад дөнгөж 20 хувийн орлого үлдэх юм. Нийт 60 орчим компани “Appl”e-д “дайсагнасан ажиллагаа” явуулна гэж заналхийлээд байгаа нь INMA-гийн мэдэгдлээс харагдлаа. Гэхдээ үүний өмнө тэд зах зээлийн бүх оролцогчидтой хэлэлцээр хийнэ гэж INMA-гийн Европын салбарын ерөнхийлөгч Саид Гжегож Пичота санууллаа.
Одоо смартфонуудын зах зээлд Apple-ийн эзлэх хувь 16 байгаа харин хурдан өсч байгаа таблет компьютерийн хэсэгт 70 хувийг эзэлдэг. Forrester Research-ийн мэдээгээр iPad хэрэглэгчдийн тал орчим хувь ньтүүгээр дамжуулан сонин, сэтгүүлийг үзэж байна. Өнгөрсөн жилд App Store-аар дамжуулан үйлдвэрлэгчид 1,1 тэрбум ам.долларын хавсралтаа худалдсаны 317 саяыг Apple авсан байна гэж Gleacher & Co төвийн шинжээч Брайан Маршалл Bloomberg-т мэдэгдлээ.
Хэрэв медиа компаниуд Apple сервисаас татгалзвал тэр нь уг компанид том цохилт болно. Үүнээс гадна үйлдвэрлэгчдэд шинэ хамтрагч гарч ирээд байна. Өнгөрсөн долоо хоногт Google цахим хэвлэлийн захиалгад зориулсан үйлчилгээг 10 хувийн комиссийн үнэтэйгээр явуулах сервисийг бий болгосон байна.
“Өнөөдөр Apple-д таблет төхөөрөмжөөрөө зарим нэг давуу тал байгаа. Тэгээд л тэд байдлыг ашиглан хатуухан шахалт хийж буй. Байдал өөрчлөгдөх байлгүй” хэмээн шинжээчид дүгнэж байна. Google олон үйлдвэрлэгчдэд хандсан байгаа. Үйлдвэрлэгчдэд тусдаа Аррlе-ийг барахгүй нь ойлгомжтой. Гэхдээ Google-ийн үйлдлийн систем нь маргаашийн шаарлагыг хангах юм бол тэд нийлээд зах зээлд өөр стандартыг гаргаж чадах юм.
Монополийн эсрэг байгууллага өнгөрсөн жилд анхаарлаа “Apple”-д хандуулж байлаа. АНУ-ын Хууль зүйн яам хөгжмийн наймааныдаа монополийн эсрэг хуулийг зөрчсөн эсэхийг сонирхож байсан билээ. Одоо “Apple” АНУ-ын хөгжмийн онлайн худалдааны 70 хувийг хянаж байгаа гэсэн тооцоог NPD Group гаргажээ. Холбооны худалдааны комисс уг компанийг Adobe технологийн ашиглалтыг хязгаарлаж, Google-ийн рекламын сервист саад тавьж байна гэж үзсэн юм. Засаг захиргааны оролцоо нь Apple-ийг журмаа өөрчлөхөд хүргэсэн билээ.