Монгол бөхийн өргөөнд аймгуудын золголтын барилдаан үргэлжилж байна. Хамгийн сүүлд болсон Баянхонгор аймгийнхны золголт, уулзалт цэнгүүний үеэр улс, аймгийн алдар цолтой 32 бөхийн барилдаан боллоо. Баянбулаг сумын харьяат улсын харцага Д.Батболд түрүүлж, төрсөн дүү аймгийн арслан Д.Энхбат үзүүрлэлээ. Шөвгийн дөрөвт Гурванбулаг сумын харьяат улсын начин Б.Сэр-Од, Баянбулаг сумын харьяат аймгийн арслан Б.Эрдэнэхүү нар үлдэв.