Барбадосоос гаралтай R&B дуучин Rihana өнөөдөр 23 нас хүрч байна. Чадалтай хоолой, өвөрмөц хувцаслалтаараа өөрийн орон зайг эзэлж, шоу бизнесийн ертөнцөд гялалзаж яваа тэрбээр шинэ найз залуутай болоод багагүй хугацаа өнгөрч байна.

Тэд эхэн үедээ өөрсдийн харилцааг гүн гүнзгий биш, цагийг зугаатай өнгөрөөж байгаа явдал хэмээн мэдэгдэж байсан бол саяхнаас сүй тавьж магадгүй гэсэн мэдээлэл цацагдаад байгаа юм.

Юутай ч хосууд өнөөдөр төрсөн өдрөө хамтдаа тэмдэглэх ба найз нар болон гэр бүлийнхэнтэйгээ хамт бяцхан үдэшлэг зохион байгуулах гэнэ.

“Би 23 нас хүрчихлээ гэхэд үнэхээр итгэмээргүй санагдаж байна. Цаг хугацаа надад анзаарагдалгүй өнгөрчээ. Би өнөөдрийг хүртэл амьдралаас маш их зүйл суралцсан. Түүнээс хамгийн чухал нь өөрийгөө хайрлах. Би өөрийгөө хайрлаж сурсан” хэмээн тэрбээр ярьжээ.